මැතිවරණයට අදාළ පැමිණිලි සම්බන්ධයෙන් පොලීසිය නිසි පියවර නොගන්නේ නම් ඒ ගැන පොලිස් කොමිසමට පැමිණිලි කිරීමට හැකිබව එම කොමිසම පවසයි.
ඉහළ පොලිස් නිලධාරීන්ගෙන් පහළ නිළධාරීන්ට මැතිවරණයට අදාළව නීති විරෝධි උපදෙස්, නියෝග මෙන්ම බලපෑම් එල්ලවන්නේ නම් ඒ ගැනද එම නිලධාරීන්ට පොලිස් කොමිසමට පැමිණිලි කිරීමට හැකි බව එම කොමිසන් සභාවේ සාමාජිකයෙක් පැවසුවේය.
නිසි පියවර නොගන්නා පොලිස් නිලධාරීන්ට මෙන්ම වැරැදි නියෝග සහ බලපෑම් කරන නිලධාරීන්ට එරෙහිව ක්ෂණික පියවර ගැනීමට කොමිසම සූදානමින් සිටින බවද එම සාමාජිකයා වැඩි දුරටත් පැවැසීය.