ජ්යෙෂ්ඨ මාධ්යවේදියකු වන දේවදාසන් සෙන්දිල් වේල්වර් තොරතුරු තාක්ෂණ මාධ්ය අමාත්යාංශය යටතේ ඇති ශ්රී ලංකා පුවත්පත් මණ්ඩලයේ සාමාජිකයකු ලෙස ජනාධිපති මෛත්රීපාල සිරිසේන මහතා විසින් වහාම ක්රියාත්මක වන පරිදි පත් කරනු ලැබ ඇත.
මොහු තිනකරන්, තිනකරන් වාරමංජරී, වණ්ණ වානවිල් යන පුවත්පත් පළ කරන ලේක්හවුස් ආයතනයේ ජ්යෙෂ්ඨ කතුවරයකු ලෙස සේවය කරමින් සිටියි. මේ පත්වීම පෙරේදා (01) ජනාධිපති ලේකම් කාර්යාලයේ දී ජනාධිපති ලේකම් උදය ආර්. සෙනෙවිරත්න මහතා වේල්වර් මහතා වෙත ප්රදානය කළේය.
පසුගිය වසර 30ක කාලයක සිට ලේක්හවුස් ආයතනයේ සේවය කරන සෙන්දිල් වේල්වර් හිටපු ජනාධිපති රණසිංහ ප්රේමදාස විමුක්ති කොටි සංවිධානය සමඟ පැවැත්වූ සාකච්ඡා, අගමැති රනිල් වික්රමසිංහ විදේශයන්හිදී කොටි සංවිධානය සමඟ පැවැත් වූ සාකච්ඡා වට හය, ඇතුළු දේශීය හා විදේශීය වැදගත් සිදුවීම් රැසක් පිළිබඳ ඒවා පැවැත්වුණු ස්ථානවල සිට සෘජුවම ප්රවෘත්ති රැස් කර අත්දැකීම් ලැබූවෙකි.
මොහු කොළඹ තරුණ හින්දු සංගමයේ සභාපති ලෙසත්, ලෝක දෙමළ සංස්කෘතික සංවිධානයේ උප සභාපති ලෙසත්, ලංකා දෙමළ කලාකරුවන්ගේ මණ්ඩලයේ මහ ලේකම් ලෙසත් කටයුතු කරමින් පොදු කටයුතුවල ක්රියාශීලීව යෙදී සිටී.