සේවක අර්ථසාධක අරමුදලේ (ඊපීඑෆ්) සිදුව ඇතැයි කියැවෙන වංචා හා දූෂණ පිළිබඳ සොයා බැලෙන වෝහාරික පරීක්ෂණ වාර්තාව තව මාස 2ක් ඇතුළත නිකුත් කෙරෙනු ඇතැයි මුදල් ඇමැති මංගල සමරවීර මහතා පැවසීය.
මුදල් ඇමැතිවරයා මේ බව සඳහන් කළේ ඉකුත්දා මුදල් අමාත්‍යාංශයේ පැවැති විශේෂ මාධ්‍ය හමුවේදීය. සේවක අර්ථසාධක අරමුදලේ මුදල් අවභාවිත වී ඇත්දැයි යන්න මේ පරීක්ෂණයෙන් පසු කරුණු අනාවරණය වනු ඇතැයිද මංගල සමරවීර මහතා සඳහන් කළේය. මේ පිළිබඳව අවස්ථා ගණනාවකදී සැකසංකා පළ වන ආන්දෝලනාත්මක තොරතුරු චෝදනා ඇතැමකු රටට ඉදිරිපත් කොට තිබිණි. ඒ කෙරේ අවධානය යොමු කළ රජය මේ පිළිබඳව සොයා බැලීමට ස්වාධීන හා අපක්ෂපාතී විගණනයක් සිදු කිරීමට පසුගියදා පියවර ගෙන තිබේ.
