ඇට්ලස් ඇක්සිලියා ආයතනය, ශ්රී ලංකා ප්රමිති ආයතනය සංවිධානය කළ ජාතික තත්ත්ව සම්මාන උලෙළේදී මහා පරිමාණ නිෂ්පාදන සඳහා වන ජාතික තත්ත්ව රන් සම්මානයෙන් 2018 වසර සඳහා පිදුම් ලැබීමට සමත් විය.
කළමනාකාර අධ්යක්ෂ අසිත සමරවීර සහ අධ්යක්ෂ (මෙහෙයුම්) විරාජ් ජයසූරිය යන මහත්වරුන් විසින් සමාගමට හිමි සම්මානය පිළිගන්නා ලදී.
සම්මාන පිරිනැමීම ජනාධිපති මෛත්රීපාල සිරිසේන මැතිතුමන් අතින් සිදු කෙරුණු අතර අමාත්ය සුජීව සේනසිංහ මහතාද එම අවස්ථාවට සහභාගී විය. 2017 වසර වෙනුවෙන් නිෂ්පාදනය සඳහා ජාතික තත්ත්වය කුසලතා සම්මානයක් දිනාගැනීමටද ආයතනය සමත් වූ අතර, එම සම්මානයද එම සම්මාන උලෙළේදීම පිරිනැමිණි. කළමනාකාර අධ්යක්ෂ අසිත සමරවීර මහතා මෙසේ පැවසී ය.
“අපගේ නිෂ්පාදන ඉහළම තලයේ තත්ත්ව කළමනාකරණ ක්රමවේදයන්ට අනුකූලව නිපදවන බවට අපගේ ගනුදෙනුකරුවන් මෙන්ම පොදු මහජනතාව තුළ ඇති විශ්වාසය තවදුරටත් තහවුරු වීමට මෙය හේතුවක් . සියයට සියයක් දේශීය සමාගමක් වන අප අවුරුදු 60 කට අධික කාලයක් තිස්සේ ශ්රී ලාංකික වටිනාකම් පදනම් කරගනිමින් රටේ දරුවන්ගේ අධ්යාපනයට අත්වැලක් වෙමින්, රටට විශිෂ්ට අනාගත නායකයන් බිහිකිරීමේ මෙහෙවරට උරදී සිටිනවා.”