ජාතික රූපවාහිනියේ රාත්රි 9.00ට දිගහැරෙන ‘සුදු ඇඳගෙන කළු ඇවිත්’ ටෙලි නාට්යය ප්රබුද්ධ ප්රේක්ෂකයන්ට නවමු අත්දැකීමක් ගෙන එන්නකි. එය ඉඩෝරයට හසුවූ හරසුන් බොළඳ ටෙලි නාට්ය නරඹා හෙම්බත්වී සිටින රසිකයනට පොද වැස්සක් මෙන් සිසිල ගෙන එන්නකි.
වියළි කලාපයේ සුන්දර පසුබිමක විකසිත වන කතාවේ ප්රවීණ මෙන්ම ගැටවර ආධුනික රංගන ශිල්පීන් ගෙන එන ප්රශස්ත රංගනයන් ප්රේක්ෂකයන් අමන්දානන්දනයට පත්කරන බව වෙසෙසින් සඳහන් කළ යුතුය. මෙය ප්රවීණ අධ්යක්ෂ සුනිල් කොස්තාගේ අපූර්ව හපන්කමකි. සුනිලුන්ගේ හපන්කමට නොදෙවෙනිව ඔහු හා උරෙනුර ගැටී අවස්ථාවෝචිතව එහි රමණීය සංගීතය ගෙන එන දිනේෂ් සුබසිංහයන් ද තම කාර්ය නොපිරිහෙලා ඉටුකර තිබීම පැසසිය යුතුය.
ඔහුගේ තේමා සංගීතය නාට්යය පුරා සිදුවීම්වලට ගෙන එන්නේ අපූර්ව ආලෝකයකි. උද්වේගකර හා සංසුන් ජවනිකාවලදි සිහින් සෝබරවත් ඇතැම් විට සතුටින් පිනායනවිටත් නගන සංගීතය නාට්යය අවසන් වීමෙන් පසුවත් අපගේ දෙසවනේ නින්නාද වෙමින් පවතී. මෙවන් කන්කළු මයුර වූ සංගීතය නිර්මාණය කළ සංගීත අධ්යක්ෂ දිනේෂ් සුබසිංහයන්ට අපගේ ප්රණාමය!
අයි.වී. මහීපාල
කොටගෙදර පාර, මඩපාත, පිළියන්දල.