තරුණ අභිමානය රැක දෙමින් ඔවුන්ගේ ආකල්ප සහ නිපුණතාවන් සංවර්ධනය කෙරෙන ග්රාමීය මට්ටමේ පුථල් වැඩසටහනක් ලෙස ජීවනාභිමානි” ජාතික ව්යාපාරය ඇරඹෙයි.
ජනාධිපති මෛත්රීපාල සිරිසේන මැතිතුමාගේ සංකල්පයක් අනුව මේ වැඩසටහන ඉදිරියේ දී දීප ව්යාප්තව ක්රියාවට නැංවීමට නියමිත අතර, එහි ප්රධාන මෙහෙයුම් කාර්යාලය ජනාධිපති ලේකම් උදය ආර්. සෙනෙවිරත්න මහතාගේ ප්රධානත්වයෙන් කොළඹ ලේක්හවුස් ගොඩනැඟිල්ලේ දී ස්ථාපිත කෙරිණි.
තරුණ තරුණියන්ගේ ගැටලු හඳුනා ගනිමින් ඒවාට විසඳුම් ලබා දී ඔවුන්ට යහපත් අනාගතයක් උදාකර දීම වැඩසටහනේ අරමුණ වන අතර, මත්ද්රව්යවලට ඇබ්බැහි වු තරුණ තරුණියන් ඉන් මුදා ගනිමින්, යහපත් ආකල්ප සංවර්ධනය මඟින් ඔවුන් සමාජයට වැඩදායි පුරවැසියන් ලෙස ගොඩනැංවීම පිළිබඳව ද මේ වැඩසටහනේ දී පුළුල් අවධානයක් යොමු කෙරේ.
මේ වැඩසටහනේ විශේෂත්වය වන්නේ ප්රජා මූලික වැඩසටහන් මඟින් තමන් ජීවත්වන පරිසරයේ දීම තරුණ තරුණියන්ගේ ගැටලුවලට විසඳුම් ලබාදී ඔවුන්ට යහපත් අනාගතයක් ගොඩනඟා ගැනීමට අවශ්ය පසුබිම සකසාදීමයි.
ජනාධිපති ලේකම් උදය ආර්. සෙනෙවිරත්න මහතා මෙහි දී අදහස් දක්වමින් කියා සිටියේ තාරණ්යයට යහපත් හෙටක් නිර්මාණය කර දීම රජයක ප්රමුඛ වගකීම බවයි.
ජීවනාභිමානී” නව වැඩසටහන මඟින් පුළුල් දායකත්වයක් ඊට ලැබෙනු ඇති බවට විශ්වාසය පළ කළ ජනාධිපති ලේකම්වරයා මේ වැඩසටහන් සාර්ථක කර ගැනීමට සියලු පුරවැසියන්ගේ සහාය අවශ්ය බව ද ඔහු කියා සිටියේය.