99X Technology සමාගම මෙරට වැඩිම ගෞරවාදරයට පාත්‍ර වූ සමාගම් 100 අතරට නම්කිරීමට LMD සඟරාව පසුගියදා කටයුතු කළේ ය. වාර්ෂිකව පවත්වනු ලබන මෙම සමීක්ෂණය සිදුකරනු ලබන්නේ Nielsen ආයතනය මගිනි. මෙම ලැයිස්තුවට රටේ ප්‍රමුඛතම සහ අතිශය ජනප්‍රිය නාමයන් හිමි සමාගම් මෙන්ම බහුජාතික සමාගම්ද ඇතුළත් වේ.
මෙවර මෙම සමීක්ෂණය සිදුකරන ලද්දේ 15 වන වරට වන අතර, එහිදී 32 වැනි ස්ථානය හිමිකරගැනීමට 99X Technology සමාගම සමත් විය. තවද මෙම ලැයිස්තුවට ඇතුළත් වීමට සමත් වූ තාක්ෂණ සමාගම් 9 අතරින් ප්‍රථම ස්ථානයට පැමිණ ඇත්තේද 99X Technology සමාගමයි.
“අප සමග අත්වැල් බැඳගෙන සිටින සියලු‍ම දෙනා වෙනුවෙන් ඉහළම තලයේ සේවාවක් සැලසීමට අප උත්සාහ කරනවා.
මෙම උත්සාහය තුළදී ජනතාව අප කෙරෙහි දක්වන ආකල්පය අපට ඉතාමත් වැදගත්. මේ ආකාරයට LMD/Nielsen සමීක්ෂණය මගින් මෙරට වැඩිම ගෞරවාදරයට පාත්‍ර වූ තාක්ෂණ සමාගම ලෙස නම්කරනු ලැබීම මෙන්ම මේ ආකාරයට රටේ දැවැන්තම සමාගම් අතර ශ්‍රේණිගත වීමට ලැබීම මගින්, අපගේ උත්සාහය සාර්ථක වී ඇති බව පෙනී යනවා .99X Technology සමාගමේ සම නිර්මාතෘ සහ ප්‍රධාන විධායක නිලධාරී මනෝ සේකරම් මහතා පැවසී ය.
99X Technology ප්‍රධාන කාර්යාලය ශ්‍රී ලංකාවේ පිහිටා ඇති අතර එම සමාගම නෝර්වේ සහ ඔස්ට්‍රලේසියාවේද කාර්යාල ස්ථාපිත කර ඇත. 2019 වසරේදී ආසියාවේ විශිෂ්ටතම රැකියා ස්ථානයක් ලෙස ඇගයීමට ලක්වීමට එම සමාගම සමත් විය.
