මෙරට ප්රමුඛ පෙළේ ප්රචාරණ ආයතනයක් වන රිචඩ්සන් ආයතනය, කටුනායක ගුවන් තොටුපළ පර්යන්තයේ සහ පළමු මහලේ මගී පර්යන්ත ගොඩනැගිල්ලේ සම්පූර්ණ වෙෙළඳ ප්රචාරණ කාර්යය හිමිකර ගැනීමට සමත්ව තිබේ.
ඒ අනුව, කටුනායක ගුවන්තොටුපළේ ආගමන විගමන ශාලා ඇතුළු විශාල ප්රදේශයක ප්රචාරණ කටයුතු රිචඩ්සන් ආයතනයට බාර වේ. ගුවන් තොටුපළේ සිදු කෙරෙන වෙළෙඳ ප්රචාරණය, නිතර විදෙස් ගතවන්නන්, සංචාරකයන් සහ ව්යාපාරිකයන් ඉලක්ක කර ගෙන සිදු කිරීම, ප්රචාරණ කටයුතුවලදී ඉතා ඵලදායි මාර්ගයක් වන අතර, වේගයෙන් දියුණුවන කටුනායක ගුවන් තොටුපළ ඒ සඳහා අතිශයින් සුදුසු භූමියක් ලෙස හඳුනාගෙන ඇත.
කටුනායක ගුවන් තොටුපළ මගී ධාරිතාව වාර්ෂිකව මිලියන දහයක් වන පමණ අතර එය ඉදිරියේදී තව දුරටත් වර්ධනය වනු ඇතැයි අපේක්ෂා කෙරේ.
රිචඩ්සන් ආයතනය, ගුවන්තොටුපළේ අභ්යන්තර ප්රතිරූපය මෙම ප්රචාරණ කටයුතු හරහා වර්ධනය කිරීමටත්, ගුවන් මගීන්ට අමුතු ආකාරයේ අන්දැකීම් සහ වෙළෙඳ දැන්වීම් සඳහා ආයෝජනය කරන්නන්ට විවිධාකාර සන්නිවේදන විසඳුම් ලබාදීමට ත් පියවර ගෙන තිබේ.
විවිධ සන්නාමවලට ගැළපෙන ප්රචාරණ විධි, ගුවන් තොටුපළේ අභ්යන්තර නිමාවට අනුකූලව වඩාත් ආකර්ෂණීය ලෙස සිදු කිරීමට ඔවුන් බලාපොරොත්තු වේ.
මේ පිළිබඳ අදහස් දක්වමින් රිචඩ්සන් සමාගමේ කළමනාකාර අධ්යක්ෂ, නස්රි නිසාර් මහතා සඳහන් කළේ සෑම සන්නාමයක් සඳහාම ඉතා ඵලදායි ලෙස නිර්මාණශීලීව සහ නව තාක්ෂණය යොදා ගෙන තම සේවාව සැපයීමට කටයුතු කරන බවයි.
ජාත්යන්තර සන්නාමවලට ඉතා උසස් මට්ටමේ ගුණාත්මක තත්ත්වයෙන් යුතු ප්රචාරණ පද්ධති අවශ්ය වන අතර, ඉදිරි වසර තුන තුළ රිචඩ්සන් සමඟ එක්වන සෑම දැන්වීම්කරුවකුටම අති නවීන තාක්ෂණයෙන් යුතු උසස් සේවාවක් සැපයීමට කටයුතු කරන බවත් ඔහු පැවසීය.