මේෂ
වියදම පාලනය අසීරුයි ලග්නාධිපති කුජ, සිකුරු, රව පූර්ව පුණ්‍යස්ථානයේය. ගුරු අටේ ද, රාහු 3, ශනි, කේතු 9 සිටි. එම පිහිටීම තුළ වෘත්තීය සහ රැකියා අංශවල දී අනෙකුත් තරගකරුවන් සමඟ කටයුතු කිරීමට සිදු වේ. ඒ තුළ යම් යම් බාධා අවහිරතා ඉස්මතු වේ.
ආදායම් ලැබුණ ද ඔබට වියදම් පාලනය කරගැනීම තරමක් අසීරු වේ. ගෙදරදොර කටයුතු, යුගදිවිය සම්බන්ධ කටයුතුවල දී ඉවසීමෙන් ක්‍රියා කළ යුතුයි.
දරුවන්ගේ කටයුතු සම්බන්ධයෙන් අවධානයෙන් සිටින්න. අධ්‍යාපන අංශවල යෙදී සිටින අයට ගණිත මිනිත ක්ෂේත්‍ර, තාක්ෂණික ක්ෂේත්‍රවල යෙදී සිටින අයට ශුභයි. උෂ්ණාධික රෝග, වයිස් රෝගවලින් පරිස්සම් වන්න.
ජය වර්ණය- රතු, අංකය- 09, දිනය- සඳුදා
වෘෂභ
රැකියාවේ කටයුතු ඉවසීමෙන් ලග්නාධිපති සිකුරු, රවි, කේතු 8 ද ගුරු 7 ද ගෝචරය වේ. එම ග්‍රහ ගෝචරය සැලකීමේ දී ශරීර විඩාව සහ වෙහෙස මහන්සි ගති ඇති වේ. වෘත්තීය සහ රැකියා අංශවල දී යම් යම් බාධා අවහිරතා ගැටලූ මධ්‍යයේ ක්‍රියා කිරීමට සිදු වේ.
එම නිසා ඉවසීමෙන් ද බුද්ධිමත්ව ද ක්‍රියා කළ යුතුයි. සිතට සතුට සන්තෝසය තරමක් අඩු වේ. ආර්ථික වශයෙන් ශුභදායක වුවත් මිල මුදල් වියදම් ඉහළ යයි. ගෙදරදොර කටයුතුවල දී ඉවසීමෙන් ක්‍රියා කරන්න. විටෙක ආකූලතා ඉස්මතු කළ හැකිය. දරුවන්ගේ කටයුතු කෙරෙහි තරමක් අවධානය යොමු කරන්න. අධ්‍යාපන අංශවල යෙදී සිටින අයට සිය උත්සාහයෙන් සාර්ථක ප්‍රතිඵල ලැබිය හැකිය. ස්නායු, නහර දුර්වලතා, බඩවැල් ආශ්‍රිත රෝගාදියෙන් ද පරිස්සම් වන්න.
ජය වර්ණය- නිල්, අංකය- 06, දිනය- සිකුරාදා
මිථුන
බාධා මැද දියුණුව ලග්නාධිපති බුධ දෙවැන්නේය. රවි, කුජ, සිකුරු 3 ද, රාහු ලග්නයේ ද ශනි, කේතු 7 ද, ගුරු 6 ද ගමන් ගනී. එම කාල සීමාව තුළ යම් යම් බාධා ප්‍රමාදතා මධ්‍යයේ තමන්ගේ කටයුතු කිරීමට සිදු වේ. වෘත්තීය සහ රැකීරක්ෂා ක්ෂේත්‍රයේ දී විටෙක සිය උත්සාහයේ තරමට සාර්ථක ප්‍රතිඵල නොලැබීමේ ඉඩ පවතී. ආර්ථික වශයෙන් අයහපත් නැත. විවිධ ක්ෂේත්‍රයන්ට යොමු වීමෙන් සාර්ථක ප්‍රතිඵල ලබයි.
ගෙදරදොර කටයුතු මෙන්ම යුගදිවිය සම්බන්ධ කටයුතු යහපත්ය සමඟිය සාමයට එතරම් බාධා නැත. දරුවන්ගේ කටයුතු යහපත්ය. අධ්‍යාපන අංශවල යෙදී සිටින අයට ශුභදායක ප්‍රතිඵල දෙයි. උෂ්ණාධික රෝග, වයිස් රෝග, බෝවන රෝගාදියෙන් පරිස්සම් වන්න.
ජය වර්ණය- කොළ, අංකය- 05, දිනය- බදාදා
කටක
ගෙදරදොර කටයුතු යහපත් ලග්නාධිපති සඳු භාග්‍යස්ථානයේය. ගුරු 5 ද රවි, කුජ, සිකුරු ධනස්ථානයේ ද සිටී. රාහු 12 ද, ශනි, කේතු 6 ගමන් කරයි. එම ග්‍රහ ගෝචරය තුළ ආර්ථික සහ මූල්‍යමය වශයෙන් අයහපත් නොවේ. විවිධ ක්ෂේත්‍රයන්ට යොමු වීමෙන් ආර්ථික වාසි මිල මුදල් ලාභ ලබයි. එහෙත් වියදම් පක්ෂය ඉහළ යයි. වෘත්තීය සහ රැකියා ක්ෂේත්‍රයේ දී යම් යම් බාධා ඇතත් සිය උත්සාහය තුළ සාර්ථක ප්‍රතිඵල උදා කරනු ඇත. ගෙදරදොර කටයුතු යහපත්ය. සමඟිය සාමයට බාධා එල්ල නොවේ. දරුවන්ගේ කටයුතුවල කිසියම් දියුණුවක් උදා කරයි. අධ්‍යාපන ක්ෂේත්‍රවල යෙදී සිටින අයට ශුභයි. අලූත් විෂයයන් කෙරෙහි අවධානය යොමු වේ. බඩවැල් ආශ්‍රිත රෝග, අම්ල පිත්තය, රුධිර පීඩනය වැනි රෝගාදියෙන් පරිස්සම් වන්න.
ජය වර්ණය- ක්‍රීම් පාට, අංකය- 02, දිනය- සඳුදා
සිංහ
විවිධ ආදායම් මාර්ග උදා වෙයි ලග්නාධිපති රවි, කුජ, සිකුරු ලග්නයේය. රාහු 11, කේතු 5 ශනි 5 ද ගුරු 4 ද බුධ 121 ද ගමන් ගනී. එම කාල සීමාවේ පවතින ග්‍රහ ගෝචරය තුළ වෘත්තීය සහ රැකීරක්ෂා කටයුතු කරගෙන යෑමේ දී සුළු බාධා ප්‍රමාදතා ඇතත් සිය උත්සාහයෙන් සහ කැප වීවෙන් සාර්ථක ප්‍රතිඵල ලබනු ඇත. අන්‍යයන්ගේ සහාය ලබයි. වෘත්තීය සහ ආර්ථික තත්ත්වය යහපත්ය. විවිධ අංශයන්ට යොමු වීමෙන් ආදායම් මාර්ග උදා කරයි. තමාගේ නිදහස අගයයි. සිය මතයේ සිට ක්‍රියා කරයි. විදේශීය සම්බන්ධතා මත කරන කටයුතු යහපත්ය. ගෙදරදොර කටයුතු මෙන්ම යුග දිවිය සම්බන්ධ කටයුතු සාමාන්‍ය අන්දමට සිදු වේ. දරුවන්ගේ කටයුතු සම්බන්ධයෙන් විමසිලිමත් වන්න. අධ්‍යාපන අංශවල යෙදී සිටින අයට පර්යේෂණ කටයුතුවල යෙදී සිටින අයට ශුභයි. අලූත් විෂයයන් කෙරෙහි අවධානය යොමු වේ. රුධිර පීඩනය, හෘදගත පීඩාදියෙන් පරිස්සම් වන්න.
ජය වර්ණය- රතු, අංකය- 01, දිනය- ඉරිදා
කන්‍යා
අන් අයගේ සහාය ලැබෙයි ලග්නාධිපති බුධ අයස්ථානයේය. රවි, කුජ, සිකුරු 12 ද, රාහු 10 ද ශනි, කේතු 4, ගුරු 3 ගමන් ගනී. එම ග්‍රහ ගෝචරය සැලකීමේ දී වෘත්තීය සහ රැකීරක්ෂා කටයුතුවල දී කිසියම් සාර්ථක බවක් ලබයි. අන්‍යයන්ගේ සහයෝගය ආධාරය උපකාරය ලැබීමෙන් තමාගේ කටයුතු එක්තරා ප්‍රමාණයකට සාර්ථක වේ. ආර්ථික සහ මූල්‍යමය වශයෙන් ශුභදායක වේ. විවිධ අංශයන්ට යොමු වීමෙන් ආර්ථික වාසි ලබයි. ගෙදරදොර කටයුතු යහපත්ය. සමඟිය සාමය සුරක්ෂිත වේ. දරුවන්ගේ කටයුතුවල දියුණුවක් ගෙන දේ. අධ්‍යාපන අංශවල නියුක්ත අයට අලුත් විෂයයන් ඉගෙනීමට අවස්ථාව ලැබේ. තමාගේ ශරීර සෞඛ්‍යය ගැන තරමක් කල්පනාකාරී වන්න. රුධිර පීඩනය, උදරාශ්‍රිත රෝගාදියට ඉඩ පවතින බැවිනි.
ජය වර්ණය- කොළ, අංකය- 05, දිනය- බදාදා
තුලා
ව්‍යාපාරිකයන්ට ශුභයි
ලග්නාධිපති සිකුරු, රවි, කුජ අයස්ථානයේය. බුධ කර්මස්ථානයේය. රාහු 9 ද, ශනි, කේතු 3 ද ගෝචරය වේ. එම ග්‍රහ පිහිටීම තුළ අන්‍යයන් සමග කටයුතු කිරීමට යෑමේ දී තරමක් කල්පනාකාරී වන්න. අන්‍යයන්ගේ සහයෝගය ඔබ බලාපොරොත්තු වන තරමට සාර්ථක ප්‍රතිඵල අත් නොවේ. වෘත්තීය සහ රැකියා අංශවල දී ඉතාම බුද්ධිමත්ව ක්‍රියා කරන්න. නොඑසේ නම් ආකූලතා ව්‍යාකූලතා ඉස්මතු වන බැවිනි. ආර්ථික වශයෙන් යහපත්ය. විවිධ අංශයන්ට යොමු වීමෙන් ආර්ථික වාසි ලබයි. ව්‍යාපාරික ක්ෂේත්‍රවල යෙදි සිටින අයට ශුභයි. ගෙදරදොර කටයතු මෙන්ම යුගදිවිය සම්බන්ධ කටයුතුවල දී සාමාන්‍ය වේ. සමඟිය සාමයට බාධා එල්ල නොවේ. දරුවන්ගේ කටයුතුවල කිසියම් දියුණුවක් ද ලබයි. අධ්‍යාපන අංශවල යෙදී සිටින අයට යහපත්ය. සාර්ථක ප්‍රතිඵලයක් ලැබිය හැකිය. තමාගේ ශරීර සෞඛ්‍යය ගැන ද පරිස්සම් විය යුතුයි.
ජය වර්ණය- නිල්, අංකය- 06, දිනය- සිකුරාදා
වෘශ්චික
වැඩකටයුතුවලට බාධා ලග්නාධිපති කුජ දිග්බලව, දිග්බල ස්වක්ෂේත්‍ර රවි සහ සිකුරු සමඟ කර්මස්ථානයේය. ශනි, කේතු 2 ද, රාහු 8 ද ගමන් ගනී. තමාගේ කරගෙන යන කටයුතුවලට සුළු වශයෙන් හෝ බාධා අවහිරතා ඉස්මතු කරයි. වෘත්තීය සහ රැකියා අංශයේ වුව ද සුළු හෝ බාධා අවහිරතා ඉස්මතු කරයි. විමසිලිමත්ව ද බුද්ධිමත්ව ද ක්‍රියා කළ යුතුයි. ආර්ථික වශයෙන් බැලු විට ආදායම් ලැබුණ ද වියදම් පක්ෂය ඉහළ යයි.
මිල මුදල් සම්බන්ධ කටයුතුවල දී ප්‍රවේසම් විය යුතුයි. ගෙදරදොර කටයුතු යහපත්ය. එහෙත් සමඟිය සාමය ගැන සැලකිලිමත් විය යුතයි. දරුවන්ගේ කටයුතු උදෙසා කාලයත් ධනයත් ශ්‍රමයත් වැය වේ. අධ්‍යාපන ක්ෂේත්‍රයේ යෙදී සිටින අයට අලුත් විෂයයන් කෙරෙහි අවධානය යොමු කරයි. උගුර, බෙල්ල ආශ්‍රිත පීඩා ඇති විය හැකිය.
ජය වර්ණය- රතු, අංකය- 09, දිනය- බ්‍රහස්පතින්දා
ධනු
ක්‍රමයෙන් දියුණුව ලග්නාධිපති ගුරු 12 සිටී. ශනි, කේතු ලග්නයේය. රාහු 7 ද, රවි, කුජ, සිකුරු භාග්‍යස්ථානයේ ද සිටී. බුධ අටේ ගමන් ගනී. එම ග්‍රහ පිහිටීම් ගැන සැලකීමේ දී යම් බාධා ඇතත් තමා බලාපොරොත්තු දේවලින් කරගෙන යන වැඩකටයුතුවල කිසියම් සාර්ථක ප්‍රතිඵලයක් ලබයි. සමහර විට මිල මුදල් සම්බන්ධ කටයුතුවල දී කිසියම් සාර්ථක ප්‍රතිඵලයක් ලබයි. විවිධ අංශයන්ට යොමු වීම තුළ සාර්ථක වේ. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී සමඟිය සාමයට බාධා අවහිරතා එල්ල නොවේ. දරුවන්ගේ කටයුතුවලට බාධා එල්ල වේ. අවධාරණයෙන් බැලිය යුතුයි. ඉගෙනීමේ කටයුතුවල දී උත්සාහය සහ කැපවීම අවශ්‍යයි. තමාගේ ශරීර සෞඛ්‍යය ගැන පරිස්සම් වන්න. ස්නායු, නහර දුර්වලතා ඇති විය හැක.
ජය වර්ණය- රන්වන්, අංකය- 03, දිනය- බ්‍රහස්පතින්දා
මකර
ප්‍රේම සම්බන්ධතා උදා වෙයි ලග්නාධිපති ශනි දොළහේ, කේතු සමඟයි. ගුරු අයස්ථානයේය. රවි, කුජ, සිකුරු අටේ ද, බුධ හතේ ද ගෝචරය වේ. අන්‍යයන්ගෙන් උදව් උපකාර ලාභ ප්‍රයෝජන ලැබෙනවා ඇත. වෘත්තීය සහ රැකියා අංශයේ දී ශුභපලදායක වේ. මිල මුදල් සම්බන්ධයෙන් යහපත්ය. විවිධ ක්ෂේත්‍රයන්ට යොමු වීමෙන් ආදායම් මාර්ග පාදාගනී. ආදායම් වර්ධනය වේ. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී සමඟිය සාමයට බාධා එල්ල නොවේ. දරුවන්ගේ කටයුතුවල දියුණුවක් ලැබේ. අධ්‍යාපන කටයුතුවල දී අලුත් විෂයයන් කෙරෙහි අවධානය යොමු වේ. උත්සාහයෙන් සහ කැපවීමෙන් සාර්ථක ප්‍රතිඵලයක් උදා කරගනී. තරුණ තරුණියන් අතර ප්‍රේම සම්බන්ධතා මතු කරයි. සමාජයෙහි කිසියම් ස්ථානයකට පැමිණේ. රුධිර පීඩනය, උදරගත පීඩා, උෂ්ණාධික රෝගාදියෙන් පරිස්සම් වන්න.
ජය වර්ණය- නිල්, අංකය- 08, දිනය- සෙනසුරාදා
කුම්භ
මිශ්‍රඵල ලග්නාධිපති ශනි, කේතු අයස්ථානයේය. ගුරු කර්මස්ථානයේ ද රවි, කුජ, සිකුරු හතේ ද, බුධ හයේ ද ගෝචරය වේ. එම ග්‍රහ ගෝචරයන් සැලකීමේ දී වෘත්තීය සහ රැකියා ක්ෂේත්‍රයේ දී යම් යම් බාධා අවහිරතා ඇතත් සිය උත්සාහය තුළ සාර්ථක ප්‍රතිඵල ලබයි. මිල මුදල් ලැබීම අතින් යහපත් වුව ද වියදම් පක්ෂය ඉහළ යන නිසා මුදල් ඉතිරි කරගැනීම තරමක් අසීරු වේ.
ගෙදරදොර කටයුතුවල දී වැඩකටයුතු අධික වීම නිසා ශරීරයට තදබල වෙහෙසකාරී තත්ත්වයක් උදා කරයි. දරුවන්ගේ කටයුතු උදෙසා වැඩිපුර වෙහෙසීමට සිදු වේ. අධ්‍යාපන අංශවල නියුක්ත අයට සිය උත්සාහය සහ කැපවීමෙන් සාර්ථක ප්‍රතිඵල ලැබිය හැකිය. උණ ලවණ ගති, උෂ්ණාධික රෝගවලින් පරිස්සම් වන්න.
ජය වර්ණය- නිල්, අංකය- 08, දිනය- සෙනසුරාදා
මීන
ක්‍රමයෙන් සාර්ථක ප්‍රතිඵල ලග්නාධිපති ගුරු පුණ්‍යස්ථානයේය. ශනි, කේතු 10 ද රාහු 4 ද රවි, කුජ, සිකුරු 6 ද, බුධ 5 ගමන් ගනී. එම ග්‍රහ චලිත ගැන සැලකීමේ දී මෙම කාල සීමාව තුළ යම් යම් බාධා ප්‍රමාදතා මධ්‍යයේ වුව ද ක්‍රමයෙන් සාර්ථක ප්‍රතිඵලයක් උදා කරනු ඇත. වෘත්තීය සහ රැකියා ක්ෂේත්‍රයේ දී උසස් අයගේ ආධාරය උපකාරය ලැබීම තුළ තමගේ කටයුතුවල කිසියම් දියුණුවක් ලබයි. මිල මුදල් ලැබීම අතින් අයහපත් නොවන නමුත් මුදල් ඉතිරිකර ගැනීම තරමක් අසීරු වේ. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී සමගිය සාමයට එතරම් බාධා එල්ල නොවේ. දරුවන්ගේ කටයුතු උදෙසා කාලයත්, ධනයත්, ශ්‍රමයත් වැය වේ. අධ්‍යාපන අංශවල නියුක්ත අයට ශුභයි. අලුත් විෂයයන් කෙරෙහි අවධානය යොමු වේ. උෂ්ණාධික රෝග, බඩවැල් ආශ්‍රිත පීඩා, සෙම් කෝප රෝගාදියෙන් පරිස්සම් වන්න.
ජය වර්ණය- රන්වන්, අංකය- 03, දිනය- බ්‍රහස්පතින්දා
