Elyon හෝටල සමූහ ව්‍යාපාරය මෙරටට පැමිණෙන ව්‍යාපාරික සංචාරකයන් සඳහා ‘Elyon Colombo’දොරටුව විවෘත කරයි. කොළඹ Orion City හිදී විවෘත වූ ස්මාර්ට් තාක්‍ෂණය සහ සම්මානලාභි ගෘහ නිර්මාණ ශීල්පයේ නිර්මාණත්මක සංකල්පයක් අනුව නිර්මාණය කර ඇති ‘Elyon Colombo’ අති නවීන පහසුකම් රැසකින් සමන්විත ය. සංචාරක ව්‍යාපාරිකයන්ට තම ව්‍යපාරික අවශ්‍යතා සපුරා ගැනීම සඳහා අවශ්‍ය පහසුකම් සියල්ල සහිතව නිර්මාණය කර තිබීම විශේෂත්වයකි.
Elyon හෝටල සමූහයේ නිර්මාතෘ ප්‍රසන්ත ජයමහ මහතා සඳහන් කළේ තමන් වෙත පැමිණෙන අමුත්තන්ට ආවේණික සහ සුවිශේෂි වූ සත්කාර කිරීමට නිරන්තරයෙන් කටයුතු කරන බවයි. වඩා නම්‍යශීලි සහ සුහදශීලි සේවාවක් සපයමින් එම ව්‍යාපාරික සංචාරකයින්ගේ ව්‍යාපාරික අවශ්‍යතා සඳහා උසස්තම පහසුකම් ලබාදීමට ‘Elyon Colombo’ සූදානම් බව හෙතෙම සඳහන් කළේය.
‘Elyon Colombo’හෝටලය Orion City Park වෙත පහසුවෙන් සමීප විය හැකි ස්ථානයක පිහිටා තිබීම ද මෙහි ඇති විශේෂත්වයකි. Orion City Park වෙත පැමිණෙන ව්‍යාපාරික සංචාරකයන්ට මෙන්ම කොළඹ, කොටුව , දෙමටගොඩ සහ කැළණිය ආදී නගර වෙත පහසුවෙන් සමීප විය හැකි ස්ථානයක ‘Elyon Colombo’පිහිටා තිබේ.
