ශ්‍රී ලංකාවේ පද්ධති සංකලනයේ ප්‍රමුඛයෙකු වන සීමාසහිත නෙට්සිස් සොලූෂන්ස් (පෞද්ගලික) සමාගම BWIO ව්‍යාපාර විශිෂ්ටතා සම්මාන උලෙළේදී රන් සම්මානයක් දිනා ගත්තේය. බිස්නස් වර්ල්ඩ් ඉන්ටර්නැෂනල් සංවිධානය වාර්ෂිකව පවත්වන ඒ සම්මාන උලෙළ පසුගියදා කොළඹ, ගලදාරි හෝටලයේදී පැවැත්විණි. සමාගම් ප්‍රධාන විධායක තුසිත අල්විස් මහතා අදහස් දක්වමින්, “නෙට්සිස්හි සියලු දෙනා කණ්ඩායමක් වශයෙන් කළ කැප වීම නොවන්නට මෙවැනි සම්මානයක් සිහිනයක් පමණයි. ” යැයි පැවසීය.
ව්‍යුහගත කේබල් ජාලකරණයෙන් සිය ව්‍යාපාර ගමන ඇරැඹූ නෙට්සිස් සොලූෂන්ස් සමාගම කෙටි කලක් තුළ තරු පන්තියේ හෝටල්, බැංකු, රජයේ ආයතන හා විදුලි සංදේශ ආයතන ඇතුළු දැවැන්ත සමාගම් රැසකට සේවා සපයමින් පාරිභෝගික විශ්වාසය ඉහළින්ම දිනා ගත්තේය. නවතම තාක්ෂණික විසඳුම් සැපයීමට උනන්දු වන නෙට්සිස් සොලූෂන්ස් අලුත්ම තාක්ෂණික මෙවලම් සඳහා මෙන්ම කාර්ය මණ්ඩලයේ සුදුසුකම් හා ප්‍රවීණත්වය නැංවීම සඳහාද විශාල වශයෙන් ආයෝජනය කර ඇත. PA Systems, CCTV සහ UPS Smart Power විසඳුම් ආදියද නෙට්සිස් සොලූන්ස් වෙතින් ලබා ගත හැකිය. එමෙන්ම ජාල යටිතලය, ගබඩාකරණ යටිතලය, ආපදාවලින් රැකවරණය, ජාල ආරක්ෂාව හා තොරතුරු තාක්ෂණ උපදේශක සේවා ආදී ක්ෂේත්‍ර ගණනාවකට අවතීර්ණ වෙමින් සමාගම් ක්ෂේත්‍රයේ දැවැන්තයන්ගේ විශ්වාසය දිනා ගන්නට නෙට්සිස් සොලූෂන්ස් සමත් වී ඇත.
