අප ජිවත් කරවන්නේ සිහිනයන් ය. ‘සිහිනයක් නොමැති කෙනා ජීවත් වුවත් මියගිය අයෙකු බඳු ය.’ යනුවෙන් කියමනක් ඇත. පසුගිය පාස්කු ඉරුදින සිදුවීමෙන් සමස්තයක් විදිහට ලාංකිකයන් සැමගේ සිහිනයන් සෙලවීමකට පත්විය. ඇතමුන්ගේ සිහින සදාකාලිකව මිහිදන් විය. එහිදී අනාගත ලෝකය වෙත සිනාසෙමින් පියවර එසවීමට මඟ බලාගෙන සිටි කුඩා දරුවන් බොහොමයකගේ සිහින එක මොහොතකින් භීතියට පත්කරමින් එම සිහිනයන් තුළ ඉරිතැලීම් ඇතිකළේය. මෙමඟින් ඔවුනගේ සිහින බොඳවී යාමේ තත්ත්වයක් නිර්මාණය විය. මෙවැනි තත්ත්වයක් තුළ එම සිහින පිරියම් කරමින් ඔවුනගේ සිහිනයන් වෙත නව පණක් ලබා දීමේ අරමුණින් සුවිශේෂී සමාජ සත්කාර්යයක් ඩයලොග් ආයතනය ගෙන එන Rally to Care පදනම සහ කොළඹ ෂැංග්‍රිලා හෝටලය ඒකාබද්ධ වෙමින් ක්‍රියාත්මක කළේය.
