සේරිවාණිජ කතා පුවත ඉතාලි භාෂාවෙන් අපේකම ලෝකයට ගෙනියයි | Page 2 | සිළුමිණ

සේරිවාණිජ කතා පුවත ඉතාලි භාෂාවෙන් අපේකම ලෝකයට ගෙනියයි

ලෝකේ කොහේ හිටියත් අපේකම රැකගෙන ඉදිරියට යන අපි සහ අපේ දරුවෝ... මවු රටෙන් ඈතට වෙන්න හිටියත් අපේ සංස්කෘතියට අපේ ආගමට අපේ ජාතියට මුල්තැන දෙමින් ලාංකික අභිමානය ලෝකෙටම අරන් යමින් බොහොම යහපත් ගුණ ධර්ම ඇතුව හැදෙන වැඩෙන අපේ දරුවෝ... සුදු ජාතික දරුවන්ටත් අපි හරහා ලබාදෙන යහපත් ගුණ ධර්ම, වැඩිහිටියන් පිදීම, අනෙකාට ගරු කිරීම, පිහිටවීම ආදී දේ අපේ අතින් කාරුණිකව ලබාදෙන පණිවිඩ සතුටු සිතින් භාරගන්නා අපේකමට ගරුකරන සුදු ජාතික අය ඉන්න ඉතාලියේ අපේ ජාතක කතාවක් වන සේරිවාණිජ ජාතක කතා පුවත ඉතාලි ජාතික භාෂාවෙන්, මෙවර වෙසක් හා පොසොන් උත්සව නිමිති කොටගෙන අපේ දරුවෝ රඟ දක්වපු විදිහ හැමෝගෙම ආදරයට පැසසුමට ලක්වුණා. කතා පුවත හරහා දෙන පණිවිඩය හැමෝම සතුටින් වැළඳ ගත්තා. අපේ කමට ගරුකරන සුදු ජාතිකයන් ඉන්න රටේ ඒ ගරුත්වය ආදරය එක්ක අපේකම ඉස්සරහට අරන් යන්න අපි හැමෝම වෙහෙසෙනවා. තියෙන සම්පත් උපයෝගී කරගෙන සමාජෙට දෙන පණිවිඩය ඒ හරහා දරුවෝ විඳින අපේම සංස්කෘතිය, හැදියාව තව පරම්පරා ගණනක්ම ඉදිරියට ගෙන යාවි කියන විශ්වාසය තියෙනවා. පිට රටක අපේකමට මුල් තැන දීලා කටයුතු කරන්න වෙහෙසෙන මා පියන් වගේම හැමෝගෙම එකතුවෙන් ගොඩනඟා ගත් මෝදනා මෛත්‍රී විහාරයේ විහාරාධිපති මදිරිපිටියේ විමලරතන හිමිපාණන් වගේම ඇපකැපවෙලා දූ දරුවන් මේ සියලු දේට යොමු කරන ලාංකේය අපේ සොයුරු සොයුරියන් හැමෝම මේ මොහොතේ මතක් කර සිටිනවා. රටේ නම, ගරුත්වය, සිරිය, ගුණ දහම්, අපි හැදී වැඩෙන හැටි, සිරිත් විරිත් මේ සියලු දේ හා දවස ගෙවන අපි හැමෝම ගුණයෙන් පිරුණු කාරුණික හිත් ඇති සුදු ජාතික අයටත් ලබා දෙනවා. ඒ සියලු දේ දැකබලා සතුටු සිතින් අපේ දහම හා එක්වෙන පිරිස දැන් දැන් වැඩිවීගෙන එනවා. ඉතින් අපි මෙතැනින් නතරවිය යුතු ද නැත. අපේ දරුවන් දරුවන්ගේ දරුවනුත් මේ සියලු ගුණයන් හා ඉදිරියට ම අරන් යා යුතුය. ලෝකේ කොහේ හිටියත් අපේකම අපේ නම අපි ඉදිරියටම අරන් යා යුතුය. අපි වචනයේ පරිසමාප්ත අර්ථයෙන් ම ශ්‍රී ලාංකිකයෝ වෙමු. ලෝකේ කොහේ හිටියත් හිස නමා අචාර කරන තරමට අපි අපේ රටට මුළු හදවතින් ම බැඳී ඇත. මේ පුංචි සටහන ලෝකේ වටේම ඉන්න අපේ ම ලාංකිකයන්ට ආශීර්වාදයක් වේවා. මේ එම රඟදැක්වීමට සහ නැටුමින් ගැයුමින් උත්සවය වර්ණවත් කරන්නට එක්වූ ශ්‍රී ලාංකික දරුදැරියන් සමූහයයි.

ජනනි ගුරුසිංහ

(ඉතාලියේ පාර්මා සිට)

 

Comments