ළමයා:-
තුටු සිනා කැන් පිරුණු මලකි මනරම් එදා
ඔය මුවට කොඳුරනා බිඟුන් කොහෙදෝ මෙදා
ලස්සනට පිපී හිනැහෙන්න ඇයි බැරි සදා
සුවඳ සුමිහිරි සුපෙම්බර ලෙසින් විඳ විඳා
මල:-
පිපි මලක සුව කෙදින හෝ නැසී යන්නේය
පර මලක් වී පොළොව සිප ගන්න දෙන්නේය
සුවඳ ලස්සන මලේ මතක බොඳ වෙන්නේය
බිඟුන් ඔච්චමට මෙන් වෙන මල් සොයන්නේය
ළමයා:-
සතුට සුන් වී ගොසින් තිබුණාද ඇයි මෙසේ
දොම්නසක් නෙතු අගට නොම පැමිණෙනා ලෙසේ
අඩ සිනා පෙන්වමින් තුටු මුව’ග මට දිසේ
ළය පත්ල රිදුම් දෙන විට මෙසේ ඉනු කෙසේ
මල:-
උපන් සැම කෙදින හෝ මියෙන බව මම දනී
රිදුණු හද ගැහෙන රාවය කිසිත් නො ඇසුණී
මුළු ලොවම අනියතයි කියන දහම ද පෙනී
වැටෙන හැම කඳුළු කැට සතුටු කඳුළක් වුණී
කේ.ආර්. සඳලිකා නිකේෂලා
11 ශ්රේණිය,
විතාරන්දෙණිය මහ විදුහල,
විතාරන්දෙණිය.