උඹ බීලද ආවේ? | සිළුමිණ

උඹ බීලද ආවේ?

කප­ටි­රාල සහ උක්කු­රාල අප ගමෙහි ජීවත්වූ ගජ මිතු­රන් දෙදෙ­නෙකි. දෙදෙ­නාම ජීවි­කාව ගෙන ගියේ ගොවි­තැ­නෙනි. කප­ටි­රා­ලගේ නියම නම මුතු­බංඩා වුවත් ඔහුගේ කපටි වැඩ නිසා ගම්මු ඔහු වෙනත් නම­කින් හැඳි­න්වූහ. මිතු­රන් දෙදෙනා හවස් යාමයේ හොර­පො­ළ­කින් සූර්වීම පුරු­ද්දක් වශ­යෙන් කළහ. නමු­ත්කා­ල­යාගේ ඇවෑ­මෙන් උක්කු­රාල සිල් සමා­දන් වීමට පටන් ගැනී­මත් සමඟ කප­ටි­රාල තනි­විය. කප­ටි­රාල දිනක් උක්කු­රාල හමු­වී­මට එක් සැන්දැ­වක ඔහුගේ නිවෙ­සට ගියේ යම් තර­මක් සප්පා­යම් වී සූර්වීය.

“හා කොහො­මද උක්කු­රාලේ හුඟ දව­ස­කින් දැක්කෙත් නැහැ. අද මේ උව­මනා හින්ද ආවේ” යනු­වෙන් පව­ස­මින් අසල පුටු­වක වාඩි විය‍.

ඔහු දුටු උක්කු­රාල “උඹ බීල නේද ආවේ” යනු­වෙන් විම­සීය. “මම නම් බීල තමයි. මම බීවට උඹ වෙරි­වෙ­න­වැයි. මගේ කාර­ණය අහල හිට­පන්කෝ” කීවත් උක්කු­රාල ඔහුට කන් නොදු­න්නේය. “බැහැපං එළි­යට මගේ ගෙද­රට බීල එන්න එපා. නොබී වරෙං ඕනෑ දෙයක් කතා කරන්න” කියා කප­ටි­රාල එළවා දැම්මේය. කප­ටි­රාල ද සිදුවූ මදි­පුං­චි­කම ගැන හිත­මින් “හොඳයි මම කප­ටි­රාල මමත් ඕකට වාඩුව අල්ල­න්නන්” යැයි කිය­මින් ගෙදර ගියේ ය.

උක්කු­රා­ලගේ ඉඩමේ පොල් ගස්වල කලක සිටම පොල් කඩන්නේ කප­ටි­රා­ලය. පොල් කැඩීමේ දින ළංවු­ණත් කප­ටි­රාල ඒ සඳහා ආවේ නැත. පණි­විඩ කීප­යක් යැව්වත් කප­ටි­රාල නොආ නිසා උක්කු­රා­ලට ඔහු සොයා නිවෙ­සට යෑමට සිදු­විය.

“ඈ උඹැහැ මගේ පොල් ටික කඩා දෙන්ඩ එන්නැද්ද. දැන් දිනත් පහු­වෙලා”

උක්කු­රාල දිහා මොහො­තක් බලා සිටි කප­ටි­රාල “උඹ බීලද ආවේ” යනු­වෙන් විම­සීය.

“උඹට පිස්සුද? මම දැන් සිල් ගන්නවා කියල දන්න­වනේ” උක්කු­රා­ලගේ පිළි­තුර විය.

“ආ එහෙ­ම­නම් බැහැ­පන් එළි­යට මගේ ගෙදර එනව නම් බීල වරෙන් කතා කරන්ඩ” කිය­මින් කප­ටි­රාල සගයා එළවා දැම්මේ “දැන ගනිං මම කප­ටි­රාල” යනු­වෙන් ද පව­ස­මිනි. ඉන්පසු දෙදෙ­නාගේ මිතු දමද අව­සන් විය.

හුණු­පොල
මොර­ගොල්ලේ සෙනෙ­වි­රත්න

Comments