හෙළ වෙද උරුමයේ වටිනාකම ජනතාවට පෙන්වා දීමේ අරමුණින් ඔක්තෝබර් මස 6 සහ 7 දිනයන්හී නොමිලේ වෛද්‍ය සායන, හෙළ වෙදකම් ප්‍රදර්ශන මෙන්ම පොලොන්නරුව ප්‍රදේශයටත්, රටටත් ස්වභාවිකව ඇතිවන විපත් දුරුවී, බවභෝග සක්‍රීය කරවීම උදෙසා දේව ආශිර්වාදය පතමින් මහා ශාන්ති යාගයක් ද පවත්වනු ඇත.
ලේක්හවුස් ආයතනයේ සුබසෙත පුවත්පත මෙහෙය වන නොමිලේ වෛද්‍ය සායනය සහ හෙළ වෙදකම් හා හෙදකම් ප්‍රදර්ශනය එම දිනවල පැවැත්වේ.
ආදි වාසීන්ගේ වෙදකම් ප්‍රදර්ශනය, භූත විද්‍යා ප්‍රදර්ශනය, ඔසු පැළ ප්‍රදර්ශනය හා අධ්‍යාපනික වැඩමුළුව පාරම්පරික වෛද්‍යවරුන්ගේ ඖෂධ ප්‍රදර්ශනය දෙදින වැඩසටහන්වලට අයත් වන අතර දළුමුර පූජාව, කොල්මුර පූජාව, බිසෝකප සිටුවීම, කාල පන්දම් පූජාව, පත්තිනි වේරං වැඩමවීම, තෙල්මේ රංගනය, වාසල අඩක්කු පූජාව සහිත මහා ශාන්ති යාගය, 6 වැනි දින රාත්‍රී 08 සිට පසුදා පහන් වනතුරු පැවැත්වේ.
