ත්‍රී සිංහ සමූහ ව්‍යාපාරයේ කළමනාකාර අධ්‍යක්‍ෂ මංජුල ආරියකුමාර මහතා ලංකා ජාතික කර්මාන්ත මණ්ඩලය CNCI සංවිධානය කළ කර්මාන්ත විශිෂ්ටතා 2018 සම්මාන උළෙලේදී ජාතික මට්ටමේ, මහා පරිමාණ කාණ්ඩයේ, නිෂ්පාදන අංශයේ රන් සම්මානයෙන් පිදුම් ලැබීය. සම්මාන උළෙල අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් පසුගියදා කොළඹ ගලදාරී හෝටලයේදී උත්කර්ෂවත් අන්දමින් පැවැත්විණි. කුඩා පරිමාණයෙන් අරඹා වර්තමානයේදී ශ්‍රී ලංකාවේ ප්‍රමුඛතම සමාගමක් බවට පත්වී තිබෙන ත්‍රී සිංහ සමූහ ව්‍යාපාරය සම්මාන රැසකින් පිදුම් ලබා ඇත. 2015දී ලංකා ජාතික කර්මාන්ත මණ්ඩලය පිරිනැමූ කර්මාන්ත විශිෂ්ටතා රන් සම්මානයත්, 2016දී හා 2017දී ශ්‍රී ලංකා වාණිජ හා කර්මාන්ත මණ්ඩල සම්මේලනය පිරිනැමූ විශිෂ්ටතම ව්‍යවසායකයා රන් හා රිදී සම්මානත්, ශ්‍රි ලංකා වාස්තු විද්‍යාඥයන්ගේ ආයතනය පිරිනැමූ නිෂ්පාදන විශිෂ්ටතා සම්මානවලින් දස වතාවක් පිදුම් ලැබීමත් ඒ අතරින් ප්‍රධානය.
ඉදිකිරීම් ක්‍ෂේත්‍රයට අදාළ නිෂ්පාදන රැසක් වෙළෙඳපොළට හඳුන්වා දුන් ත්‍රී සිංහ සමූහ ව්‍යාපාරයේ නවතම හඳුන්වාදීම වන්නේ පරිසර හිතකාමී ලෙස විදුලි බලය නිපදවන සූර්ය පැනල පද්ධතියයි. රෝලර් ඩෝ, රෝලර් ෂටර්ස්, සෙක්ෂනල් ඕවර්හෙඩ් ඩෝ, වින්ඩෝ ෂටර්ස්, ෆයර් රෙසිස්ටන්ට් ඩෝ, ඇලුමිනියම් ෆැබ්රිකේෂන්ස්, සෙන්සර් ඩෝ, ස්ටේන්ලස් ස්ටීල්, ස්ටීල් රේලින්ග්ස් සහ ස්ටෙයාවේස්, පොලිකාබනේට් කැනපීස්, ස්ටේන්ලස් ස්ටීල් පැන්ටි්‍ර කබඞ්ස්, රැක් සිස්ටම්ස්, ස්ටීල් බිල්ඩින්ග්ස් ත්‍රී සිංහ සමූහ ව්‍යාපාරයේ අනෙකුත් නිෂ්පාදන අතර වේ.
