ආද­රයේ විර­හව ගැන දිවු­ල්ගනේ ගයන කොහේ හෝ ඇති ප්‍රේම­යක් | සිළුමිණ

ආද­රයේ විර­හව ගැන දිවු­ල්ගනේ ගයන කොහේ හෝ ඇති ප්‍රේම­යක්

සොබා දහමේ ඇර­ඹු­මක්
ලියා ඇති එක ඉර­ණ­මක්
නිමා වන හමු වීම­කත්
කොහේ හෝ ඇති ප්‍රේම­යක්...

දවා හළු­කළ මත­ක­යත්
රිදුම් දෙයි හැම­දා­ක­මත්
නවා­තැන් වුණ හිත යටත්
කොහේ හෝ ඇති කවු­රු­වත්...

හිනා­වෙන හද පතු­ල­කත්
සුසුම් නෑ අව­සා­න­යක්
බිදී ඇහැ­රෙන රිදු­ම­කත්
කොහේ හෝ ඇති ප්‍රේම­යක්...

ගාය­නය
කරු­ණා­රත්න දිවු­ල්ගනේ
පද රච­නය
නෙලු ප්‍රනාන්දු
සංගී­තය
ආචාර්ය රෝහණ විර­සිංහ

සෑම හමුවීමක්ම දැන හඳුනා ගැනීමක්ම ප්‍රේමයකින් අවසන් වන්නේ නැත. සෑම ප්‍රේමයක්ම විවාහයකින් අවසන් වන්නේ ද නැත. ජීවිතේ අහම්බෙන් හමු වී දැන හඳුනාගෙන කතාබහ කර පෙම් කළ පමණින් එය විවාහය දක්වා දුර දිග යන්නේ ද නැත. නමුදු එවැනි හිත් බැඳීම් නිසා ඒ ආදරයෙන් ජීවත කාලය පුරාම විඳින්නෝද විඳවන්නෝද අපට මේ සමාජයේ දී ඕනෑ තරම් හමු වී ඇත.

අහම්බෙන් මෙන් දිනෙක ඒ ළයාන්විත හඬින් ඇසුණ මේ ගීතය හදේ ඇති කළේ සියුම් රිදුමකි. ගීතයේ සුළ මුල සොයා ගිය ගමනේදී අප මුලින්ම කතා බහ කළේ එහි පද රචිකාව වන නෙලු ප්‍රනාන්දු සමඟය.

නෙලු නවක ගී පද රචිකාවියක්.

ඇය මීට පෙර ද ගීත කිහිපයක් ලියා ඇත. ආචාර්ය රෝහණ වීරසිංහයන් සංගීතවත් කළ ප්‍රවීණ ගායන ශිල්පී කරුණාරත්න දිවුල්ගනේ ගායනා කරන “කොහේ හෝ ඇති ප්‍රේමයක්“ පිළිබඳ නෙලු කියන්නේ මේ වගේ කතාවක්.

“මේ ගීතය මට අහඹු ලෙස ලියැවුණ එකක්. සාමාන්‍යයෙන් ගීතයක් ලිව්වාම මම මගේ යාළුවන්ට පෙන්වනවා. එයාලගෙන් ගුණ දොස් අහනවා.

මේ ගීතයත් මම මගේ යෙහෙළිය උරේෂා රවිහාරිට පෙන්නුවා. ඇය තමයි මට කිව්වේ මේ ගීතය කරුණාරත්න දිවුල්ගනේ මහත්තයට දෙන්න කියලා. මම එතුමාට දුරකථනයෙන් කතා කළා. ඒ වෙනකොට මම ඊට පෙර ඔහුට කවදාවත් කතා කර තිබුණේ නැහැ. එතුමා මට කිව්වා වචන ටික එවන්න කියලා. මම පද ටික යැව්වා.

ඉන් සතියකට පස්සේ මම නැවත එතුමාට කතා කළා. එදා ඔහු මගේ ගීතයේ පද ටික ගැන අපූරු විවරණයක් කළා. ඉන් පසුව එතුමාම තමයි කිව්වේ මේ ගීතයේ සංගීතය නිර්මාණය කරන්නට ආචාර්ය රෝහණ වීරසිංහ මහත්මයාට දෙන්න කියලා. මේ හැම දේම සිදුවෙන්න වසරක් පමණ ගියා. මම හිතුවෙත් නැති ලෙස මේ ගීතය සාර්ථක වුණා.

දිවුල්ගනේ මහතාගේ කටහඬ, රෝහණ වීරසිංහ මහතාගේ සංගීතය මගේ පද වලට උපරිම සාධාරණය ඉටුකෙරුවා.

ගීතය ගැන නෙලුගේ අදහසය.

ප්‍රේමය මහා පුදුමාකාරය. විටෙක හද සනසන නළවන ප්‍රේමයම විටෙක සිත හඬවයි. ප්‍රේමයේ සොඳුරු මෙන්ම දුක අමතක කර දැමීම ලෙහෙසි පහසු නැත.

ප්‍රේමය වෙනුවෙන් නෙත නැගෙන කඳුළක, සිත නැගෙන සුසුමක බර දන්නේ එහි හිමිකරුවා පමණි. අප වාක්‍ය ගණන් ලියන මේ කතාව ඇය පද පේලි කිහිපයකින් ලියන්නේ මෙසේය.

 

“දවා හළු කළ මතකයත්

රිදුම් දෙයි හැමදාකමත්

නවාතැන් වුණ හිත් යටත්

කොහේ හෝ ඇති ප්‍රේමයක්“

 

ඔහුගේ හඬ ළයාන්විතය. හැඟුම්බරය.

ඔහු ගයන්නේය. අපේ යුගය නියෝජනය කරන ඔහු අදවන විට පැමිණි ගමන දිගුය. නමුදු ඔහු භේද නොසලකයි. නිර්මාණයක අගය හඳුනන ඔහු ගැයිය යුතු ගීතයේ පද තෝරන්නේ නිර්මාණ කරුවාගේ මුහුණ බලා හෝ නම නොබලාය.

මේ තමන් අතපත් නිර්මාණය පිළිබඳ අදහස් දක්වන කරුණාරත්න දිවුල්ගනේ.

මම මේ පද වල යථාර්ථවාදී බවක් දාර්ශනික බවක් දුටුවා. ඒ වගේම නෙලුගේ ලියවිල්ලේ පරිණත බවක් දුටුවා. ඇත්ත කිව්වොත් ප්‍රේමය ගැන ජීවිත ගැන දාර්ශනිකව ලියා ඇතැයි කියලා මට හැඟුණා.

ඒ නිසයි මම ඒ පද වැල තෝරා ගත්තේ. මේ පද ටික කියෙව්වම මගේ හද කම්පනයක් ඇති වුණා.

යම් ගීයක පද පෙළක් දුටුවාම ඒ පද පෙළ කියවා අවසානයේදී මගේ හද කම්පාවට පත්වෙනවානම්, හද කම්පනය වනවා නම් , හද කැළඹිල්ලට පත්වෙනවා නම් මං ඒ ගීතය ගයනවා. රෝහණ මේ ගීතයට සංගීතයෙන් උපරිම සාධාරණය ඉටුකර තිබෙනවා.

ඔහු ගයන්නේය. ඒ සංගීතය, ගී පද, අප අලුත් ලොවකට රැගෙන යන්නාක් බඳුය.

  

 

Comments