|
|||||||||||||||||||||
කොළඹ සුගතදාස ක්රීඩාංගණයේදී පසුගියදා පැවැති 26 වැනි වෙළෙද සේවා මලල ක්රීඩා උළෙලට ප්රථම වතාවට ඉදිරිපත් වූ ලේක්හවුස් ආයතනය රන් පදක්කම් 12 ක් රිදි පදක්කම් 7 ක් සහ ලෝකඩ පදක්කම් 3 ක් දිනා ගැනීමට සමත් විය. ඩී. කේ. අයි. පී. නාමසිරි මීටර් 100 රන් පදක්කම හා මීටර් 200 රිදි පදක්කමක්, එච්. ඒ. චමින්ද ලාල් මීටර් 1500 හා මීටර් 5000 රිදි පදක්කම් 2 ක්, ජේ. ඒ. අරුණ ශ්යාම් කුමාර මීටර් 800 හා මීටර් 1500 රන් පදක්කම් 2 ක් හා මීටර් 400 ලෝකඩ පදක්කමක් ද ඒ. සුදුසිංහ මීටර් 400 කඩුලු මතින් දිවීම රන් පදක්කමක් හා මීටර් 110 කඩුලු මතින් දිවීම රිදි පදක්කමක් ද මීටර් 400 ලෝකඩ පදක්කමක් ද අයි. ඒ. චන්ද්රසිරි මීටර් 5000 රන් පදක්කමක් හා මීටර් 1500 රිදි පදක්කමක් ද දිනාගත් අතර දිනුෂි හේරත් මීටර් 100 ය 4 ලෝකඩ පදක්කමක් ද උදුලා පීරිස් මීටර් 400 මීටර් 100 කඩුලු මතින් දිවීම රන් පදක්කම් 2 ක්ද මීටර් 200 රිදි පදක්කමක් ද මීටර් 100 ය 4 ලෝකඩ පදක්කමක් ද මරිනා හේරත් මීටර් 100 මීටර් 200 රන් පදක්කම් 2 ක් හා හෙල්ල විසි කිරීම රිදි පදක්කමක් ද මීටර් 100 ය 4 ලෝකඩ පදක්කමක් ද පී. කේ. ඩී. ශි්රයානි අල්විස් මීටර් 100, 200, 400 රන් පදක්කම් 3 ක්ද දිනාගැනීමට සමත් වූහ. මේ තරගාවලියේදී ලේක්හවුස් ආයතනය ප්රථම වතාවට ඉදිරිපත් වී මෙතෙක් වෙළෙඳ සේවා මලල ක්රීඩා ආධිපත්ය පතුරවමින් සිටි ආයතන අභිබවමින් ඉදිරියට පැමිණ ඇත. මෙතරම් පදක්කම් ප්රමාණයක් ලබා ගැනීමට හේතුව ලෙස ලේක්හවුස් මලල ක්රීඩා ලේකම් ඒ. සුදුසිංහ මහතා පවසන්නේ ආයතනයේ සභාපති තුමන්, ක්රීඩා සමාජයේ සභාපති හා කර්තෘ මණ්ඩල අධ්යක්ෂ ඇතුළු ලේක්හවුස් ක්රීඩා සමාජයේ අනෙකුත් නිලධාරීන්ගේ සහයෝගයයි.පුහුණුකරු වන සුරේෂ් දෙමටපිටිය මහතා ගෙන් ලැබුණු කැපවීම ද ඔහු අගය කරයි. වෙළෙඳ සේවා මලල ක්රීඩා උළෙල පැවැත්වීමට අනුග්රාහකත්වය ලබා දුන්නේ රිස්බරි චොකලට් ආයතනයයි.
| |
||||||||||||||||||||
|
