චීනයේ හයිනෑන් දූපත සංවර්ධනය වන්නේ පරිසර සංචාරක කලාපයක් ලෙසින්. විශේෂයෙන් එහි තිබෙන බෞද්ධ සංස්කෘතික උද්‍යානය නෙත් සිත් පහන් කරවන තැනක්. දකුණු මුහුදු තීරය අසබඩ තිබෙන නන්ෂාන් කඳුවැටියේ තුරුලතා පිරි බිම් කඩක ස්වභාවධර්මයේ ආකර්ෂණීය පරිසරයක මෙම බෞද්ධ සංස්කෘතික කලාපය පිහිටා තිබෙනවා. වැදගත් බෞද්ධ ප‍්‍රතිමා දෙකක් මෙහි දක්නට ලැබෙනවා. මීටර් 108 ක් උස බෝධිසත්ව ප‍්‍රතිමාව විශ්මය ජනක යෝධ නිර්මාණයක්. එසේම ඉන් මඳක් ඔබ්බෙන් පිහිටි ආරාමයක දක්නට ලැබෙන ක්වෑන් යන් ප‍්‍රතිමාව ඝණ රන්වලින්ද දියමන්ති වලින්ද නිර්මාණය කරන ලද්දක්. උසින් මීටර් 3.8ක් වූ මෙම ප‍්‍රතිමාව නිර්මාණය කිරීම සඳහා රන් කිලෝග‍්‍රෑම් 100ක් යොදාගෙන තිබෙනවා. එම ප‍්‍රතිමාව වටකොට ඇති එහි කුඩා ප‍්‍රමාණයේ දසදහසක් ප‍්‍රතිමා මවන්නාවූ දර්ශනය අසිරිමත් එකක්. මහින්ද රාජපක්ෂ ජනාධිපතිතුමාද මෙම බෞද්ධ සංස්කෘතික මධ්‍යස්ථානය දැක බලා ගැනීම සඳහා එහි ගියා.

සටහන – කසුරි පිංතූරය - සුදත් සිල්වා